ዝናብ
ከጓደኛዬ ከፓፒ ጋር ኳስ እየተጫወትኩ ነበር… እኔና ፓፒ ጎረቤታሞች
ነን… ቤታችን ፊት ለፊት ለፊት ለፊት ነው…
አሁን ዝናብ እየዘነበ ነው… ዝናብ ሲዘንብ የኔና የፓፒ እናት ወደ
ቤት እንድንገባ ስለሚጠሩን እኔና ፓፒ መጋረጃውን ከፍተን በሳሎን መስታወት ፊት ለፊት እየተያየን በምልክት ብቻ እናወራለን… እንሳሳቃለን…
እንደንሳለን… እንበሻሸቃለን…
ዝናቡ በጣም እየጣለ ነው… ዝናብ… ዝ-ና-ብ… ስሙ ራሱ ሲያስቅ…
ዝናብ ግን ከየት ነው የሚጀምረው?
እማዬን… "ዝናብ ከየት ነው የሚጀምረው?" ስላት…
"ከደመና አለኝ"
ደመናስ ከየት ነው የሚጀምረው? እንዴትስ ዝናብ ደመና ላይ ሊጠራቀም
ይችላል?
ደመና እንደ ስፖንጅ ያለ ነገር አለው? ዝናብን መጦ አየር ላይ
የሚይዝበት?
ዝናብ ከሚጀምርበት(ከደመና)- እማዬ እንዳለችኝ… እስከ መሬት እንዴት
ብሎ ነው የሚደርሰው?
ዝናብ ከደመና እስከ መሬት እስኪደርስ በዛችው ፓስታ በምታካክል
ቅጥነቱ ነው ወይስ ከላይ ሲጀምር ልክ በባልዲ እንደሚደፋ ውሃ ነው?
ከመሬት እስከ ሰማይ ያለው ርቀት አካባቢ ሳይንስ ቲቸር እንደሚሉት
በጣም እሩቅ ከሆነ እንዴት ዝናቡን መሃል ላይ ንፋስ አይበታትነውምና አይወስደውም? እንዴትስ መሬት ሳይደርስ አያልቅም?
እኔ ግን የሚመስለኝ… ዝናብ ማለት… ልክ የኛ ዘበኛ ጋሼ ይበቃል…
አትክልቶቼን ፀሃይ ቀጠቀጠብኝ… አቃጠለብኝ… ምና ምን… እያሉ ማታ ማታ በውሃ ጎማ እንደሚያጠጧቸው ሁሉ… መልዓክት ደግሞ እኛ ልጆቻቸውንና
ምድርን 10ወር ሙሉ ፀሃይ ስታቃጥለን በማዘናቸው ለሶስት ወር ያህል በርሜል በሚያክል የውሃ ጎማ ከላይ ሆነው ምድርን የሚያቀዘቅዟትና
የሚያርሷት ነው የሚመስለኝ…
No comments:
Post a Comment